Uniper-მა „გაზპრომ ექსპორტთან“ რუსეთიდან გაზის მიწოდებაზე გრძელვადიანი...

გადაწყვეტილება მას შემდეგ გახდა შესაძლებელი, რაც 7 ივნისს სტოკჰოლმის საარბიტრაჟო სასამართლომ აღიარა Uniper-ის უფლება შეწყვიტოს კონტრაქტები და მიანიჭა მას 13 მილიარდ ევროზე მეტი კომპენსაცია გაზის მოცულობისთვის, რომელიც არ მიეწოდება გაზპრომ ექსპორტს.არბიტრაჟმა გადაწყვეტილება მიიღო შვეიცარიის კანონმდებლობის შესაბამისად. მისი გადაწყვეტილება იურიდიულად სავალდებულო და საბოლოოა.„დღეს „უნიპერმა“ გადაწყვიტა შეწყვიტოს გრძელვადიანი კონტრაქტები რუსეთიდან გაზის მიწოდებაზე და ამით ლეგალურად დაასრულა გრძელვადიანი ურთიერთობა რუსეთის სახელმწიფო კომპანია „გაზპრომ ექსპორტთან“, - ნათქვამია კომპანიის განცხადებაში.

SOCAR-ის ბენზინგასამართი სადგურების რაოდენობამ 600-ს გადააჭარბა - რომე...

ამის შესახებ აზერბაიჯანის სახელმწიფო ნავთობკომპანია იტყობინება.„აზერბაიჯანში SOCAR-ს აქვს 60 ბენზინგასამართი სადგური და 13 ნავთობის ბაზა. დანარჩენი 541 ბენზინგასამართი სადგური ფუნქციონირებს 6 ქვეყანაში“, - აცხადებენ კომპანიაში.ამავდროულად, საქართველოში SOCAR-ის ბრენდის ქვეშ 107 ბენზინგასამართი სადგური ფუნქციონირებს, მათგან 15-ს აქვს ელექტრომობილების დამუხტვის პუნქტი. კომპანიამ გახსნა 14 ბენზინგასამართი სადგური თურქეთში, 56 ბენზინგასამართი სადგური უკრაინაში, 75 კი რუმინეთში.შვეიცარიასა და ავსტრიაში ფუნქციონირებს 289 ბენზინგასამართი სადგური SOCAR-ის ბრენდით და ელექტრომობილების დამუხტვის 8 პუნქტი.

დავით ნარმანიამ ადგილობრივი ეკონომიკური განვითარების ფორუმში მიიღო მონ...

დავით ნარმანიამ დისკუსიის მიმდინარეობისას ისაუბრა განახლებადი ენერგიის კუთხით საქართველოს პოტენციალსა და ელექტროენერგიის ადგილობრივი წარმოების ზრდის აუცილებლობაზე. მან ყურადღება გაამახვილა სემეკის მიერ დანერგილ ნეტო აღრიცხვის სისტემაზე, განახლებადი წყაროებიდან მიღებული ელექტროენერგიის წარმოშობის სერტიფიკატების წესზე, მიმდინარე პროექტებსა და სამომავლო გეგმებზე.„ადგილობრივი ეკონომიკური განვითარების ფორუმი იძლევა შესაძლებლობას ვიმსჯელოთ ჯანსაღი ქალაქის განვითარებისათვის მნიშვნელოვან საკითხებზე. ამ მიმართულებით ერთ-ერთი მნიშვნელოვანი საკითხია მწვანე ენერგეტიკული გარემოს ჩამოყალიბება. მწვანე ენერგიის განვითარების ხელშეწყობა წარმოადგენს როგორც საქართველოს ეროვნულ ინტერესს, ასევე საერთაშორისო ვალდებულებასაც - სახელმწიფო ენერგეტიკული პოლიტიკა ორიენტირებულია ევროკავშირთან ენერგეტიკული კანონმდებლობის ჰარმონიზაციისკენ. ქვეყნის ინტერესია, რომ ხელი შეეწყოს ენერგიის ადგილობრივი წარმოების განვითარებას, რათა ქვეყანაში ელექტროენერგიაზე მოთხოვნა ადგილობრივი წარმოებით  სრულად დაკმაყოფილდეს და ასევე, ხელი შეეწყოს ჭარბი ენერგიის საექსპორტოდ გატანას. ამ კუთხით მნიშვნელოვანია შავი ზღვის წყალქვეშა კაბელის პროექტი, რომლის განხორციელებაც ქვეყანას ევროპასთან მწვანე ენერგიის პირდაპირი ექსპორტის შესაძლებლობას მისცემს“- აღნიშნა დავით ნარმანიამ.6-7 ივნისს, თბილისში ადგილობრივი ეკონომიკური განვითარების მე-14  ფორუმი მიმდინარეობს, სახელწოდებით - „ჯანსაღი ქალაქი - მწვანე, ეკოლოგიურად სუფთა გარემო, მოქნილი და მდგრადი ურბანული განვითარება“. ფორუმი 2007 წლიდან ჩამოყალიბდა მოწინავე იდეების გაცვლისა და ქმედითი გადაწყვეტილებების მიღების პლატფორმად, რომლის ფარგლებშიც ქალაქი ყოველწლიურად მასპინძლობს როგორც ადგილობრივ, ასევე საერთაშორისო დონის სპიკერებს, სხვადასხვა დარგის ექსპერტებს, მუნიციპალიტეტებისა და აკადემიური წრეების წარმომადგენლებს. 

რამდენიმეწლიანი წყვეტის შემდეგ აზერბაიჯანიდან საქართველოში ბენზინის შე...

აზერბაიჯანი ევრო 5-ის ბენზინის წარმოებას იწყებს. ეს სიახლე საქართველოსთვის საკმაოდ საინტერესოა. დიდი ალბათობით, მეზობელი სახელმწიფოს საწვავი სხვა მომწოდებლებთან შედარებით უფრო იაფი იქნება, რაც ქართველი იმპორტიორების ყურადღებას ნამდვილად მიიპყრობს. ყოველ შემთხვევაში, ლოგისტიკური მიმართულება ბევრად იოლი და მარტივია, ამიტომ არაა გამორიცხული, რომ აზერბაიჯანულმა პროდუქტმა ევროპულ ბენზინის კონკურენცია შეუქმნას.ბაქოში, ჰეიდარ ალიევის სახელობის ნავთობგადამამუშავებელი ქარხანა, რომელსაც „სოკარი“ ფლობს, ივნისიდან ევრო-5-ის გარემოსდაცვითი სტანდარტების შესაბამისად ბენზინის წარმოებას გეგმავს.„2023 წლის მაისში ქარხანამ დაიწყო დიზელის საწვავის წარმოება ევრო-5 სტანდარტების მიხედვით, 2024 წლის ივნისში კი გეგმავს დაიწყოს საავტომობილო ბენზინის წარმოება ევრო-5 სტანდარტების მიხედვით“, - აღნიშნეს აზერბაიჯანის სახელმწიფო ნავთობკომპანიაში.ქარხანა მიმდინარე ეტაპზე ახორციელებს ფართომასშტაბიანი მოდერნიზაციისა და რეკონსტრუქციის პროექტს. მისი სიმძლავრე ამჟამად შეადგენს 6,5 მლნ ტონას წელიწადში, მოდერნიზაციისა და რეკონსტრუქციის შედეგების მიხედვით, ქარხანა დაპროექტდება კასპიის რეგიონის ყველა სახის ნავთობის გადასამუშავებლად. პროექტის დასრულება 2027 წელს იგეგმება.მოდერნიზაციის შემდეგ ქარხანა გამოიმუშავებს წელიწადში 2 მლნ ტონა საავტომობილო ბენზინს, 2,9 მლნ ტონა დიზელის საწვავს, 1 მლნ ტონა თვითმფრინავის საწვავს და 390 ათასი ტონა ნავთობქიმიურ პროდუქტებს.აზერბაიჯანი საქართველოსთვის ნავთობპროდუქტების ერთ-ერთი მსხვილი იმპორტიორია. სიახლე, რომელიც მეზობელს სახელმწიფოში დაიგეგმა, საქართველოსთვის მართლაც საინტერესოა და, დიდი ალბათობით, აზერბაიჯანული ბენზინი კვლავ დაბრუნდება საქართველოს ავტოგასამართი სადგურების ქსელში. ბოლო წლებში მეზობელი ქვეყნიდან ბენზინის იმპორტი არ ხორციელდებოდა სწორედ ევრო-5-ის სტანდარტის შეუსაბამობის გამო.როგორც ნავთობპროდუქტების იმპორტიორთა კავშირის თავმჯდომარემ ვახტანგ იობაშვილმა განაცხადა, სიახლე საქართველოსთვის მეტად მნიშვნელოვანია.„ეს სიახლე ჩვენთვის არა მარტო ინტერესის სფეროს წარმოადგენს, არამედ მთელი საქართველოსთვის არის ძალიან დიდი "წამალი". ცოტა ადრეული წლების წინ ჩვენ მთლიანად ვიყავით დამოკიდებული აზერბაიჯანულ საწვავზე, იქნებოდა ეს დიზელი, ბენზინი, თუ სხვა ნავთობპროდუქტი.როდესაც აზერბაიჯანი ევრო 5-ზე დაასრულებს გადაიარაღებას, ეს იქნება ჩვენთვის ძალიან მნიშვნელოვანი. იგი მთლიანად ჩაანაცვლებს ზოგიერთ ქვეყანას, რომლებიც უფრო ძვირად გვაძლევენ საწვავს და აღარ ვიქნებით დამოკიდებული ისეთ მოულოდნელ გადაწყვეტილებაზე, რაც რუსეთმა გააკეთა. გახსოვთ, რომ მან უკვე ორჯერ შეგვიზღუდა საწვავის მოწოდება. სწორედ ასეთი რისკ ფაქტორები აღარ გვექნება.გარდა ამისა, მნიშვნელოვანია ტრასპორტირების კომპონენტი. მეზობელი ქვეყნიდან ბენზინის იმპორტი გაცილებით სწრაფად და ხელსაყრელ ფასად მოხდება.მოგეხსენებათ, აზერბაიჯანი არის ჩვენი ქვეყნის დიდი მეგობარი, თანაც სანავთობო სახელმწიფო და მხოლოდ და მხოლოდ მივესალმებით ამ გადაწყვეტილებას“, - განუცხადა „რეზონანსს“ ვახტანგ იობაშვილმა.მეგობრობიდან და პარტნიორობიდან გამომდინარე, აზერბაიჯანის ბაზარი ბევრად სტაბილური იქნება საქართველოსთვის, უბრალოდ, როგორც აფბა-ს ვიცე-პრეზიდენტმა პაატა ბაირახტარმა აღნიშნა, მთავარია ღირებულების კომპონენტი, თუ რა ფასად მიაწვდის აზერბაიჯანი ბენზინს საქართველოს.„აზერბაიჯანის გადაწყვეტილება, რა თქმა უნდა, ჩვენთვის იქნება საინტერესო. უბრალოდ, აქ გასათვალისწინებელია ფასის კომპონენტი. თუ აზერბაიჯანული საწვავი ღირებულების მხრივ იქნება კონკურენტუნარიანი, სხვა მომწოდებლებთან შედარებით, მაშინ, რა თქმა უნდა, საკმაოდ კონკურენტუნარიანი გახდება და ინტერესიც მათკენ გადაიხრება. შევხედავთ ძირითად მომწოდებლებს, პრინციპში, პარამეტრები მეტ-ნაკლებად ყველასი ერთია, ყოველ შემთხვევაში, ჩვენს სტანდარტებს აკმაყოფილებენ, უბრალოდ, როგორც ვთქვი, ამ შემთხვევაში, მთავარი არის ფასის კომპონენტი.თუ აზერბაიჯანის საწვავი კონკურენტუნარიანი, რა თქმა უნდა, ლოგისტიკური თვალსაზრისით, ერთ-ერთი ყველაზე მარტივი გზა არის. ამიტომ ინტერესის აუცილებლად გაჩნდება. აზერბაიჯანი მეზობელი ქვეყანაა, ამიტომ ტრანსპორტირების მხრივ უფრო მარტივია მათგან საწვავის წამოღება. მოწოდების ხარჯი გაცილებით ნაკლებია, ამიტომ ჩვენთვის ცალსახად იქნება საინტერესო. მთავარია, თვითონ აზერბაიჯანი რა ფასად მოგვაწვდის ბენზინს“, - განუცხადა „რეზონანსს“ პაატა ბაირახტარმა.ცნობისათვის, 2024 წლის პირველი 4 თვის განმავლობაში საქართველოში ბენზინის საწვავის იმპორტმა შეადგინა 214.2 ათასი ტონა, ხოლო დიზელის საწვავის იმპორტმა - 209.2 ათასი ტონა.2024 წლის იანვარ-აპრილის თვეების განმავლობაში "რეგულარის" ტიპის ბენზინის საწვავის იმპორტმა შეადგინა 113.6 ათასი ტონა (53%);  "პრემიუმის" ტიპის ბენზინმა - 95.8 ათასი ტონა (44.7%);  "სუპერის" ტიპის ბენზინმა - 4.8 ათასი ტონა (2.2%);მიმდინარე წლის იანვარ-აპრილის თვეების განმავლობაში ბენზინისა და დიზელის საწვავის იმპორტის ყველაზე დიდი მოცულობა განხორციელდა რუსეთიდან - 231.6 ათასი ტონა, რაც მთელი იმპორტის 54.7%-ს შეადგენს. შემდეგ მოდიან: ბულგარეთი - 56.7 ათასი ტონა - 13.4%;  რუმინეთი - 54.8 ათასი ტონა - 12.9%; აზერბაიჯანი - 36,5 ათასი ტონა - 8,6%; ბელორუსი - 17,5 ათასი ტონა - 4,1%; თურქმენეთი - 10,2 ათასი ტონა - 2,4%; კვიპროსი - 6,3 ათასი ტონა - 1,5%; საბერძნეთი - 5,5 ათასი ტონა - 1,3%; თურქეთი - 2 ათასი ტონა - 0,5% და სხვ.წყარო: resonancedaily.com

ვარკეთილში 3900 აბონენტს დროებით გაზის მიწოდება შეუწყდება

კომპანიის ცნობით, გაზმომარაგების აღდგენა 4 ივნისს, 10:00 საათიდან დაიწყება და 16:00 საათისთვის დასრულდება.„გაცნობებთ, რომ მიწისქვეშა გაზსადენზე ავარიის სალიკვიდაციო სამუშაოების გამო, 3 ივნისს, 22:30 საათიდან გაზის მიწოდება შეუწყდა ვარკეთილის III მასივის მე-3 კვ-ში მდებარე კორპ. # 1, 1მლ, 2, 2მლ, 3, 4, 5, 6, 7, 8, 10, 11, 12, გ, დ, III მასივში მდებარე დ-1, დ-6, დ-7, დ-8, III მასივში მდებარე 10-1ს/დ, III მასივის კვ. 3-ში მდებარე შპს ,,ენერგო სახლი”-ს, ვარკეთილის ზემო პლატოს კორპ. # 39, 40, 41, 42, 43, 43ა, 43ბ, 51, 51ა, 51ბ, შუამთის ქ. 28ა (42ა), კალოუბნის ქ. 22-ში მდებარე იბა ,,კალოუბნის 22”-ის, კალოუბნის ქ. 24დ2, კალოუბნის ქ. 26დ3, კალოუბნის ქ. 28დ4, კალოუბნის ქ. 30დ5, კალოუბნის ქ. 32, 32ა, 33-ში მდებარე ამხ. ,,მიმინო”-ს, 34, 35-ში მდებარე ამხ. ,,ორი მეგობარი”-ს, 35ა, 36, 36ა, 36ბ/5, 38-ში მდებარე ამხ. ,,ძმები”-ს, კალოუბნის ქ. 36/38-ის მიმდებარედ (ყოფ. სამხედრო ნაწილის ტერიტორია), შუამთის ქ. 17, კალოუბნის ქ. 40-ში მდებარე შპს ,,სხივი”-ს, გიორგი აბაშვილის ქ. 3-8, 3-13, 3-15-ში მდებარე თავდაცვის სამინისტროს საცხოვრებელი კორპუსების, კალოუბნის, ბერიაშვილის, აბაშვილის, მაისურაძის, აგრეთვე აღნიშნულ ტერიტორიაზე განთავსებულ მსხვილ და მცირე კომერციულ ობიექტებს, მათ შორისაა: ი/მ მარინე კობაჩიშვილი, # 210-ე ბაგა-ბაღი, შპს ,,დემირელის სახელობის კერძო კოლეჯი”, ი/მ ვლადიმერ ლურსმანაშვილი, შპს ,,ფლაგ არტი”, საჯარო სკოლა # 108, შპს ,,იფქლი 1”, შსს-ს ეკონომიკური დეპარტამენტი, შპს ,,ტანდემი”, შპს ,,მამა პაპურს” და სხვა.გაზმომარაგების აღდგენა 4 ივნისს, 10:00 საათიდან დაიწყება და 16:00 საათისთვის დასრულდება“,-აღნიშნულია ინფორმაციაში.