იყავი ჯანმრთელი,ლამაზი და ბედნიერი

http://www.youtube.com/watch?v=waPCCrftvQA გადადით ამ ლინკზე.. მე დღეს ვცადე და მომეწონა.. (ბუქნები მაინც ნაკლებად გააკეთეთ)

რატომაა, რომ რამდენიმედღიანი დიეტისა და ფიზიკური ვარჯიშების შემდეგ თქვენი წელის ზომა ისევ თეძოების ზომას ემთხვევა? სწრაფად ჭამთ? წარმოიდგინეთ ასეთი სიტუაცია: ორნი სუფრასთან ერთსა და იმავე საჭმელს მიირთმევენ, მაგრამ სხვადასხვა სიჩქარით. ის, ვინც გაცილებით სწრაფად ჭამს, მეტსაც მიირთმევს. დროის მცირე მონაკვეთში კი ტვინი ვერ ასწრებს რეაგირებას, დანაყრდა თუ არა ორგანიზმი, რადგან საკვები კარგად არ დაიღეჭა და ძალიან სწრაფად გადაიყლაპა. რჩევა: ჭამის პროცესში კონცენტრაცია საკვების დაღეჭვაზე მოახდინეთ. სწრაფად რომ არ იკვებოთ, ეცადეთ, ყოველ ლუკმას თითო ყლუპი წყალი მიაყოლოთ. ჩართეთ ტელევიზორი და თან უყურეთ, თან ჭამეთ, რათა ყურადღება გადაიტანოთ და ნელა ჭამოთ. ეცადეთ შეამციროთ კარტოფილის, ჩიპსების, თეთრი პურისა და ბუტერბროდების რაოდენობა. უძილობას უჩივით? თუ დღე-ღამეში შვიდ საათზე ნაკლები გძინავთ ან უძილობა გაწუხებთ, სისხლში გლუკოზის რაოდენობა იზრდება. ეს კი კატასტროფაა, თუ დიეტაზე ხართ და გახდომას აპირებთ, რადგან ამ დროს იმატებს ინსულინის დონე, რაც, თავის მხრივ, ხელს უწყობს ცხიმოვან ქსოვილებში ზედმეტი ცხიმის “ჩალაგებას”. რჩევა: შეებრძოლეთ უძილობას. დასაძინებლად ერთსა და იმავე დროს დაწექით. დღის განმავლობაში გამოძებნეთ ერთი საათი მაინც, რომ წაუძინოთ. მიგაჩნიათ, რომ სპორტი საკმარისია გახდომისთვის? ეს არასწორია. შეიძლება მთელი დღე უზარმაზარი ფიზიკური დატვირთვებითა და ვარჯიშით იყოთ დაკავებული, მაგრამ თვალსა და ხელს შუა სუქდებოდეთ. ყველაფერი საკვების რაოდენობაზეა დამოკიდებული. თუ კალორიების რაოდენობა, რომელსაც ხარჯავთ ფიზიკური ვარჯიშების დროს, გაცილებით ნაკლებია კალორიებზე, რომელსაც იღებთ საკვები პროდუქტებით, მაშინ, რასაკვირველია, გასუქდებით. რჩევა: აკონტროლეთ კალორიები. ნუ შეჭამთ ზედმეტად კალორიულ საკვებს. ცუდი კულინარი ხართ და ხშირად იყენებთ ნახევარფაბრიკატებს? შედეგად – სუქდებით. საქმე ისაა, რომ ნახევარფაბრიკატები მაღალკალორიული პროდუქტებისაგან მზადდება, თანაც შეიცავს დიდი რაოდენობით ცხიმებს. ალბათ არაერთხელ შეგინიშნავთ, რომ ნახევარფაბრიკატების მაღაზიაში ნაყიდი კატლეტები გაცილებით ბევრ ცხიმსა და პურს შეიცავს, ვიდრე ხორცს. რჩევა: ისწავლეთ საჭმლის მომზადება. ეცადეთ, მეტი რაოდენობით ბოსტნეული და ხილი გამოიყენოთ. ეს ძალიან გემრიელი და გაცილებით სასარგებლოა. უპასუხისმგებლო და უნებისყოფო ხართ? სწორედ ამიტომ, ხანგრძლივი დიეტისა და ფიზიკური ვარჯიშების შემდეგ, სწრაფად მოიმატეთ წონაში, რადგან დაუბრუნდით კვების ჩვეულ წესს. ასე არ შეიძლება. რჩევა: თუ გახდომა გადაწყვიტეთ და დაიწყეთ შესაბამისი პროგრამის შესრულება, შეეცადეთ, დაკლებული წონა შეინარჩუნოთ, გამოიჩინეთ ნებისყოფა და არ მოეპყრათ საკუთარ თავს უპასუხისმგებლოდ, წინააღმდეგ შემთხვევაში, ყველაფერი წყალში ჩაგეყრებათ.

wyaro:janmrteloba.info

ცელულოზის შემცველ საკვებს მიირთმევთ და შარდმდენ ჩაის სვამთ, რათა წონაში დაიკლოთ? ან ცხიმების დამწველ საშუალებებს იღებთ და გული მიგდით სამსაათიანი ფიტნესმარათონის შემდეგ? ე.ი. გახდომასთან დაკავშირებული მითების მახეში გაებით. მოდით, გავერკვეთ ყველაფერში. ყველაზე მოკლე გზა – შიმშილი ამ გზით გაჯანსაღება შესაძლებელია, მაგრამ წონაში დაკლება – არა. შიმშილის შემთხვევაში თავიდან ყველაფერი კარგად მიდის, წონაში სწრაფად იკლებთ, მაგრამ ცოტა ხანში ორმაგს იმატებთ და უკვე ძალიან გიჭირთ ფორმაში ჩადგომა. თუ ძალიან გსურთ იშიმშილოთ, ეცადეთ, ეს ორ-სამ დღეზე მეტხანს არ გააგრძელოთ. მთავარი მტერი – ქოლესტერინი საბედისწერო შეცდომა არ დაუშვათ და უარი არ თქვათ ქოლესტერინის შემცველ პროდუქტებზე. მათი რაციონიდან საერთოდ გამორიცხვა ქალებში მენსტრუალური ციკლის დარღვევას, მამაკაცებში კი ლიბიდოს შესუსტებას იწვევს. ქოლესტერინი ხომ ამოსავალი ნედლეულია სქესობრივი ჰორმონების წარმოებისათვის. კუჭის მოტყუება შესაძლებელია ცელულოზის შემცველი საკვები კუჭის შევსების ცრუ შეგრძნებას ბადებს, ორგანიზმიდან კი მეტად საჭირო და სასარგებლო ნივთიერებებსა და მინერალებს გამოდევნის. ამასთან, შეკრულობის მიზეზიც ხდება. ცელულოზის მირთმევისას კუჭი თითქოს სავსეა, მაგრამ შიმშილის გრძნობა კვლავ გიტევთ. წონაში დასაკლები მცენარეული ჩაი უვნებელია აბსოლუტურად უვნებელი პრეპარატები არ არსებობს. თუ ეტიკეტზე მოცემულ უკუჩვენებებს არ წაიკითხავთ, შესაძლოა, საკუთარ თავზე გამოსცადოთ, რა არის გასტრიტი და ქრონიკული ფაღარათი. ასეთი ჩაის მიღებიდან ათი დღის შემდეგ დიდი ალბათობაა, დაგეწყოთ მუცლის ტკივილი, ძმარვა და კუჭის ხშირი მოქმედება. ვეგეტარიანობა ჭარბი წონისგან გვიცავს ყოველთვის – არა. ვეგეტარიანული საკვებისგან გასუქებაც კი შეიძლება, თუ კალორიებს არ დაითვლით და ზედმეტს მიირთმევთ. უფრო მეტიც, ცხოველურ ცილებზე უარის თქმა არა მარტო ჯანმრთელობაზე აისახება უარყოფითად, არამედ გონებრივ შესაძლებლობებზეც. საფაღარათო საშუალებები ორმაგად სასარგებლოა – ორგანიზმს წმენდს და წონაში ვიკლებთ ერთჯერადი მიღებით ორგანიზმს ნამდვილად გაწმენდთ, მაგრამ ყოველდღიური ოყნებითა და საფაღარათო საშუალებებით ნაწლავებს დიდ დარტყმას აყენებთ – შესაძლოა, ბუნებრივი მიკროფლორის გარეშე დატოვოთ. წონაში დაკლება ხილითა და ბოსტნეულით სასარგებლოა მხოლოდ სალათებითა და ხილით კვება ორგანიზმს ცილებისა და ცხიმების გარეშე ტოვებს, ადამიანს მუდმივად შიმშილის გრძნობა აქვს და ამის გამო გადაჭარბებულად მიირთმევს, რაც კუჭის გადიდებას იწვევს. შიმშილის გრძნობა საშინელებაა და შეიძლება ვერც კი შეამჩნიოთ, როგორ აღმოჩნდება თქვენს თეფშზე სალათის ფურცლებისა და ფორთოხლის ნაცვლად შებრაწული ქათმის ბარკალი. თუ საღამოს 6 საათის შემდეგ არ შევჭამთ, წონაში დავიკლებთ რასაკვირველია, თუ სამსახურს 17.00-ზე ამთავრებთ და ნახევარ საათში სახლში ხართ, ამ წესის დაცვა არ გაგიჭირდებათ, მაგრამ, თუ სახლში ცხრაზე ადრე ვერ ბრუნდებით, დასაძინებლად კი ღამის 12 საათის შემდეგ წვებით, მაშინ ასეთი რეჟიმი თქვენთვის არარეალურია. ასეთ შემთხვევაში ერთი წესი მკაცრად უნდა დაიცვათ – საკვების ბოლო ულუფა დაძინებამდე 3-4 საათით ადრე მიირთვით.

wyaro:janmrteloba.info

1)მიირთვით მხოლოდ სასარგებლო პროდუქტები:ხილი,ბოსტნეული,თევზი,უცხიმო ხორცი.სვით ახალგამოწურული წვენები;

2)იმოძრავეთ მეტი!ფიზიკური აქტიურობა -ჯანმრთელობის შენარჩუნების საუკეთესო საშუალებაა. დღეში 20 წუთიანი ვარჯიშიც კი აუმჯობესბს სისხლის მიმოქცევას და ასტიმულირებს სუნთქვას;                                                                                                    3)მიიღეთ ვიტამინები;( მაგ., დრაჟე, C ვიტამინის აბები)                                                    4)აკონტროლეთ წონა;                                                                                                            5)მოერიდეთ სპირტიან სასმელებს და თავი დაანებეთ სიგარეტს;( მართალია სათქმელად ადვილია,მაგრამ რეალურად რთული შესასრულებელი)                                6)პერიოდულად გაიკეთეთ ანალიზები;                                                                                7)ძალიან ფრთხილად იყავით წამლებთან;                                                                          8)ეცადეთ თავი არიდოთ სტრესულ სიტუაციებს;                                                                9)ყოველ საღამოს აბაზანები შველის სტრესის მოხსნას;                                                    10)კარგად გამოიძინეთ;

11)ნუ გაექცევით ხალხთან კონტაკტს! ხალისიანი ,კომუნიკაბელური ადამიანები უფრო დიდხანს და ჯანსაღად ცხოვრობენ.

This slideshow requires JavaScript.